राम शरण श्रेष्ठका १० मुक्तकहरू

नमस्कार साथीहरु  
आज म आफ्ना केहि १० मुक्तकहरु एकै ठाउँमा लिएर आएको छु । तपाईहरुलाई कस्तो लाग्छ सल्लाह सुझाबको अपेक्षा राखेको छु । 

१.मुक्तक एक

बादल गर्जेर आकाश झर्दैन ।।
मलाई उस्को आभास पर्दैन ।।

उस्को मन्त्र फेल खाएछ आज
कसैले अब विस्वास गर्दैन ।।
राम शरण श्रेष्ठ
चिसापानी ६, रामेछाप

२.मुक्तक दुई
 बुनेका सपनाहरु तुहिन सक्छ ।।
प्वालहरु टाल्नुस चुहिन सक्छ ।।
असल सँगतले असल बनाउँछ
नत्र जिन्दगी पूरै कुहिन सक्छ ।।
राम शरण श्रेष्ठ
चिसापानी ६, रामेछाप । 

३. मुक्तक तिन
 कुर्सिमा अन्धाहरु पर्छन् ।।
भ्रममा जानताहरु पर्छन् ।।
आँखा बन्द छ राजनीतिको
छेकिदिने पर्दाहरु पर्छन् ।। 
  
४. मुक्तक चार  
 गन्तब्य पारिनै रहेछ ।।
प्रकृया जारिनै रहेछ ।।
बनाउँछु भनेर उसैले
झन विगारिनै रहेछ ।।
राम शरण श्रेष्ठ
चिसापानी ६, रामेछाप

५.मुक्तक पाँच
प्रेमको हिरासतमा राख्छौ कतिन्जेल ।।
म्याद थप झनझन माग्छौ कतिन्जेल ।।

हुन्छ या हुँदैन यति फैसला गरिदेउ
पर्खाएर मलाई सधै ढाँट्छौ कतिन्जेल ।।
राम शरण श्रेष्ठ
चिसापानी ६, रामेछाप 

६. मुक्तक छ
जनताको सत्ता आउँदै आएन ।।
भएको बेपत्ता आउँदै आएन ।।
छोडेर शान्तिले मेरो देशलाई
गयो कताकता आउँदै आएन ।।
राम शरण श्रेष्ठ
चिसापानी ६, रामेछाप

७. मुक्तक सात
विचार उस्को पनि साँगुरो भैदियो ।।
त्यसैले त जात मुख्य कुरो भैदियो ।।
सरकार अड्डा अदालत भएर पनि
सिमान्तकृत जनता टुहुरो भैदियो ।।
राम शरण श्रेष्ठ
चिसापानी , रामेछाप ।।

८. मुक्तक आठ

पाउमै पाए वास हजुरको ।।
भएर जिउँला दास हजुरको ।।
यतिनै मेरो विन्ती सुनिदिनु
बनाईदिनुस् खास हजुरको ।।
राम शरण श्रेष्ठ
चिसापानी ६, रामेछाप ।

९. मुक्तक नौ
मुनाको मदन कहिल्यै फर्केन ।।
मान्छेको बचपन कहिल्यै फर्केन ।।
उ निष्ठुरी रहेछ बल्ल था भो
ढुङ्गाको मन कहिल्यै फर्केन ।।
राम शरण श्रेष्ठ
चिसापानी ६, रामेछाप ।।

 १०. मुक्तक दश
भ्रष्टकै सम्मान हुन्छ मेरो देशमा ।।
ठूलाकै गुनगान हुन्छ मेरो देशमा ।।

अन्यायको विरुद्ध उत्रिन खोज्योभने
बोल्नेको चिहान हुन्छ मेरो देशमा ।।
राम शरण श्रेष्ठ
चिसापानी ६, रामेछाप ।।